Das fahrradpickerl (§ 57)

Liebe Boardies!

 

Jaja, ich bin jetzt auch nicht mehr der Jüngste!

Schon voriges Jahr hab`ich mein Fahrrad mit dem Taxi nach Langenzersdorf zur

Überprüfung geführt.

 

Na gut, billig is es ned.

 

Des Taxi 100 Euro, die Überprüfung vom Radl 50 Euro.

Na! 40 Euro, weu i jo ÖAMTC-Mitglied bin!

Der Mitgliedsbeitrog nur 20 Euro! Des is a Mezzie!

 

I kaun jetzt des gaunze Joah de 800 Meta zum Wirtn foahn

und a wieda ham ohne das mi a Funkstraf kontrolliert!

 

Vielleicht hod des damit ztuan, das bei uns um de Zeid goa ka

Polizei unterwegs is.

(I glaub de fiachtn se, weus jetzt do in Fluridsdorf im Heabst

scho so zeidlich finsta is)!

 

De Übaprüfung is oba do ka Lerchal!

Scho beim Bremstest is des deppate Vuadaradl zwischn zwa

Woizn vaschwundn.

 

I hob nua mehr "krchcht" gheat, daunn is a övaschmiats Mandl

aus ana Gruam krochn kumma und hod ma gsogt, dass den

Bremstest ned bestaundn hod.

 

I hob eam 10 Euro Schmatt gem, drauf is a wida owekräud und

hod ma mei Vurdaradl wieda brocht.

 

Daunn haums ma mei Licht kontrolliert, mei Azethylenlaumpn,

mei Radl is jo ned des jingste, i bin jo a scho 84!

 

"Wumm" hods gmocht, de oidvaterische Laumpn, wia des

Azethylen explodiert is.

 

Nau jo, de jungen Mechanika, übahaupt dea, dems en Schnauza

weggfetzt hod, de kennan se hoid nimma so aus.

Heit is jo scho olles elektrisch.

 

Ha, do haums a schlechts Gwissn kriagt, de öligen Buaschn!

Wieslflink haums ma a neichs Licht montiert und haum mi

aubeddlt, dass i im Büro nix sogn soi.

 

Daunn is nu da Werkstättnleita kumma und hod mi gfrogt, ob

des a Heann- oda a Damenradl is.

Hob i gsogt, des miastn se do vü bessa wissn, se san jo vü

jinga ois i!

 

Des hod a eigsegn.

 

Nua ans nu, frogt mi dea Hoatnäckige:

"Ihna Kettn miass ma nu übaprüfn"!

"owa gean", hob i gsogt und ziag ma des Goidkettal vom Hois,

des ma mei Oma zur Erstkommunion gschenkt hod und gib eams.

 

Nau dea hod mi deppat augschaut!

Und sowos is a Werkstättnleita?

Völlig übafordert, dea Mau!

Böanautsindrom.

 

I gib eam 10 Euro, ea pickt mas Pickerl genau durt hie, wo`s ma de

Azethylenlaumpn weggsprengt hod. Guad gmocht, vom Lackschodn

hod ma nix mea gsegn, a gschickts Biaschal!

 

Daunn hod a ma nu, sehr aunständig, des Radl bis zum Taxi trogn,

wos aum Parkplotz gwoat hod, hod den Taxla aufgweckt, mia

haums wieda in Koffaraum gschmissn und: Foah ma, Eia Gnodn!

 

Eh scho fost daham, auf da Gerasdorfa Stroßn, hoit uns de Heh

auf. Es woa eh olles paletti, bis de zwa Uniformiertn gmerkt haum,

dass da Taxla ka Pickal hod.

 

Hans

 

Amüsant zu lesen, kann aber wirklichkeit werden wenn die Österreichischen Politiker so weiter machen. Dann gibts wirklich bei an "Pickerl" an bremsentest, und ned nur bei da Kontrolle am Ring durch de Radlkivara, de si selber anscheinend ned recht auskennen......

Amüsant zu lesen, kann aber wirklichkeit werden wenn die Österreichischen Politiker so weiter machen. Dann gibts wirklich bei an "Pickerl" an bremsentest, und ned nur bei da Kontrolle am Ring durch de Radlkivara, de si selber anscheinend ned recht auskennen......

 

Und wennma Pech habn gibts auch an Radführerschein... verpflichtend: Gruppe RC für Stadtradl, RM für MTB und RC für Rennräder...

Hm, letzten Maerz als ich anfing mitn Radln, hab ich kurz nach dem Haupteingang des MQ angefangen zu bremsen, dann kam ich an der Kreuzung Mariahilferstrasse zu stehen. Hab mir garnix dabei gedacht.

Das naechste Rad hatte Scheibenbremsen und ich hab fast an Köpfler gmacht beim ersten mal.

 

Wenn ich so am Weg ueber die 2er Linie und am Ring mir de Radln anschau, die da fahren, da halt ich gern a bissl Abstand. Falls einem doch der Koterer ins Reifenprofil beisst und mir auf die Pappn fliegt. Oder wenn die Tussi endlich mitn Fuss in die grissene Speiche kommt und sich hinlegt.

 

Na, ich will kein Pickerl. Aber ein paar Hazardeure sind schon unterwegs, da weiss ich nicht, soll man die Unbekuemmertheit bewundern, oder ghoern die Deppen von der Strasse geholt

Hüstel - da faellt mir ein, ich brauch endlich batterien fuers Rücklicht...

 

cu

martin