Mama, schau, de Gänseblümchen...

Mama, schau owe, wauns an Himme gibt und Du durt`n bist!

Im Goatn, den`sd imma so gean ghobt host, bliahn auf amoi de Gänseblümchen wia wüd!

Gestan is a auf amoi a große weiße Ros`n aufgaunga, wos haßt aufgaunga, explodiert is!

Mama, i waß eh, wos Du sogn dedadst wenn`s den Goatn jetzt sechatst: "Hansl, du bist jo

nu jung, warum klaubst denn ned de vühn Fichtnzopfn auf, de do sinnlos herumlieg`n?

Mama, hallo! I bin jo a nimma da Jingste, des miassast Du do wissen, waunst im Himme bist!

Buck`n kennt i mi jo nu, owa auffikumma dadat i nie und neamma! Loß i`s liaba liegn, mei

Nochbar visavi hod eh Eichhörnchen, de brauch`n des Zeig!

Mama, i bin jetzt a scho oid. Des miassast do wiss`n, waunst wirklich im Himme bist!

Oda is durt so fad, dass`d glaubst, Di jetzt auf dem huckeligen Planet`n auf dem mia deazeit

nu wohnen, a nu eimischen z`miassn?!

In da Ewigkeit gibt`s eh kane Jahreszeiten, durt suacht ma im Heabst a kane Schwammerln.

Mama, i merk jetzt, dass i scho a bissl miad wer und mi mei Hapfn lockt...

Wos host Du Di plogt, wia i a klana Bua woa, das`d mi in die Heia kriagst!

Wos hob i mi a wengerl späda plogt, dass i a Weiberleit in die Heia kriag!

(Bregenz: Wibrlüt.)

Olles sogenannte "Littlekeitn".

Ist die Jungfrau dann betroffen, darf sie auf Empfängnis hoffen!

Mama! Des host owa jetzt ned glesn! Und wenn, es woa jo a wirklich ned

so wichtig, wia die meist`n glaum.

I winsch Eich a schens neich`s Joa!!!

Hans