soulman's gebet

is des wahr.....

dass ma si jeden tog vo ana uhr aufwecken lossen miassen?

dass ma beim billa in plastik eigschwasste äpfel kaufen, während vor da stodt auf an baam der niemand ghert, die schensten äpfe vafauln?

dass ma an power-kurs vo da firma aus mochen miassen, dass ma wieda glücklich san und noo mehr hackln kennan? obwohl der aff' der den zauber ohoit selber ned waas wias unter an bliahadn äpfebaam nochn regn riacht!

dass ma in fernsehn dena kinder zaagt vur wos ma si ois fürchten muass, owa a vabrecha bist wann ma dena kinder lernt wia ma si wehrt ohne dass glei wieder a paar tote gibt.

dass ma min auto ins zwaa kilometa weite fitnesscenter foahrn, wäus gregnt hod und sunst die laufschuach dreckich wern.

dass ma durt daun gwichta hebt die schwarer san ois eahna gaunze verwandtschaft und zu eahnare klanan kinda sogn's owa dass ned so faul sein soin und weidergeh, wanns woin dass da papa amoi a bissl trogt.

dass ma si vo an arzt für vü göd s gsicht zaschneidn lossd, nur dass ma nochher so ausschaut wia hundert andere hirnkranke aa?

dass a frau nur daun schee is wanns 's gfriss vollgschmiert hod mit farb für die hunderte hasen, mäus' und andere viecher langsam z'tod gfoltert worn san?

dass ma heit an kurs mochn muass, dass ma wieder 's laufen lernt?

dass ma heit ins beste restaurant vo da gaunzn stodt geh muass, wann ma wü dass ma "sehr guad gessn" hod und dabei sochn frisst vor die's an graust solangs beim fleischhocka liegn und vor die'st a aungst host solaung 's no im woid wohnen und die'st mit gift niederspritzt wäust as ned kennst wanns in dein gorten wochsen. und kaner waas mehr wia guat a stickl trockens brot und a ruabm ausn acker aussazaht und im nossen gros ohgwischt schmeckt.

dass ma heit da king is wann ma an wei gsoffm hod der so teia wor dassd' da des nur amoi im joahr leistn kaunst und der vo so weit her is, dassd' des ned amoi auf da koatn findst. und dabei waast ned wia a wossa aus ana quön die unter an trumm staa aussakummt schmecken kau.

dass des woahr is kau ma kaner dazöhn....

drum nimm i mei radl, foahr aufn berg,

wäu durt is nur der wind und die sunn

und mir liagn si ned au.

Wahre Worte!

Huat ob, wennst des a so lebst, weil von dera Sortn gibts in der zivilisiertn matrialistischn Welt nit viel.

Do zähln ondre Werte, de in Wirklichkeit null Wert san, wenn´s dem Menschn amol so richtig eineprackt und er über den Sinn des Lebens nochdenkn onfongt.

Meistens is des donn da Foll, wenns dem Ende zuageht und die Erinnerungen an a glückliche Kindheit oder sunstige positive Erlebnisse wiedakummen.

Is e jeda a oarma Tschriapa, der des nit vurher schon überrissn hot.

vergessen host, ....

dass ma sein urlaub in an all in club verbringen muas, damit sie di liabn verwöhnten frozn den töla übervoi mochn kennan um noch a poar bissn ollas wegzumschmeissn.

dass si in da hockn a poar übabezoite leit gfrein und söbstbeweihräuchern, wenns wida a supaunedige idee ghobt hobn, während am bau a poar leit jeden € hoat daschaufeln miassn.

dass ma, wenn ma de flimmakistn aufdraht, nur a poar gehirnamputierte sicht, de si gegenseitig fertig- und lächalichmochn.

oba leida ist des ollas woa!!!!

host schau recht soulman, oba is ned eigentlich wuarscht, weil wia a gscheida maun amoi gsogt hot: die lage ist hoffnungslos aber nicht ernst!

und liegts ned aun jedem einzelnen, dass er ob und zua aus dem trott, in den ma leider nuar ollzuleicht einerutscht, ausbricht, und se a bissl besinnt, und daun notgedrungen draufkummt, wos wirklich zöht im lebn.

de poar minuten sans jeden tog, de di wirklich weidabringan im lebn, de poar minuten, wo da auf anmol de blumen auffoin auf da wiesn, oda wosd in nochbarn de zwetschkn obafladderst vum bam, oda wosd am wossa sitzt und a bissl bled ins noarnkastl schaust mit an grinsa im gsicht.

und wer durchkummt mit dem oberflächlichen bussi-bussi-schass, und dem kraumpf den da de medien tagtäglich präsentiern, passt eh, jeder kriagt des wos a vadient.

Amen!

Und genau deshalb werd ich mich in den nächsten Monaten sicher wieder mal für ein paar Wochen aus der Zivilisation verabschieden.

wos is los, soulman, frisst di da frust?

denk dran, a jeda is für sei tuan und handln selbst verantwortlich.

wennst so leben willst, wie oben beschrieben, dann tuas.

wer hindert di dran?

i versuchs, so oft wie möglich, aussn trott aussezkumman und die seele baumeln lossn.

owa i tua ma leicht, weil i direkt im gebirg wohn und da wald zwaamoi umfoin fu mein haus entfernt is.

und weil i a hockn hob, wo i kindern und jugendlichen die natur zeigen derf, und ihnen zeigen derf, wie ihr körper funktioniert, auf das sa se gspiern - und i kriag a no zoit dafür.

mir taugts.

owa wie gsagt, a jeder is für si selbst verantwortlich und für sei schicksal, niemand anderer, net da liawe gott, dei chef oder deine eltern oder dei frau oder woswasiwer, nur du allaanich.

kaane faulen ausreden, wir leben in an scheenen freien land.

mei sche host des gsogt....und grad deshwegn untascheidst di von olle aundan, denn denen tat des net amoi aufffalln das do draussn monche dinge net rund laffen...

guat dass i in meim job glueckli bin a waun vüle nu imma glaubn i bin nix aundas wia a fliagade kölnerin...mei, mia isses wuascht weus ma spass mocht und i daun biken gehn kaun wann alle aundan hackln miassn :D

schene griasse an olle die si a monchmal ueba unsa wöt gedaunken machn und den regen riachn kinnan....

das ist weder das resultat einer midlife-crisis, noch frisst mich der frust, sondern ich hab einfach einmal nachgedacht worauf es ankommt und bruchstücke aus eigener erfahrung widergegeben. so wie ich es lebe und versuche an meine kinder weiterzugeben.

ich wollte einfach mal zum denken anregen und sehe dass sich gottseidank die mehrheit damit identifizieren kann.

das glück liegt in eigenen händen, nur machen muss man halt was draus.

und eines darf man nie:

sich ergeben!

denn dann wirst du einer von denen die's nie kapieren werden.

jo mei, soulman, bist scho genial:D

Recht hast!!!http://www.plauder-smilies.de/happy/xyxthumbs.gif

Hallo soulman!

Eine echt umwerfende Verbalerruption in schriftlicher Form mit der ich mich voll identifizieren kann!

Du bist echt ein Hammer!

much gatsch

Paul // dessen nächste "back to life" Aktion das vorerst zeitlich beschränkte Verbannen der TV-Kastln aus der eigenen Hütte sein wird.

dass ma si jeden tog vo ana uhr aufwecken lossen miassen?

Ich hör meinen eh nie und stell ihn auch nur jeden 2. Tag

dass ma beim billa in plastik eigschwasste äpfel kaufen, während vor da stodt auf an baam der niemand ghert, die schensten äpfe vafauln?

Kirschen ess ich nur wenn i am Kirschbam mit de reifn Kiaschn om sitz

obwohl der aff' der den zauber ohoit selber ned waas wias unter an bliahadn äpfebaam nochn regn riacht!

Zombie

dass ma min auto ins zwaa kilometa weite fitnesscenter foahrn, wäus gregnt hod und sunst die laufschuach dreckich wern.

Laufst halt ploßhappat !!!

dass ma durt daun gwichta hebt die schwarer san ois eahna gaunze verwandtschaft und zu eahnare klanan kinda sogn's owa dass ned so faul sein soin und weidergeh, wanns woin dass da papa amoi a bissl trogt.

weicheier , hab vorgestern erst meine freundin rumgetragen weil sie sich ins haxerl geschnitten hat (hätte aber gehen können) - aber ihr hats getaugt, also warum nicht... Aber Hanteln san scho wichtig

Schminken, "Schönheits"OPs

A Drama ... so unnädig... i find gatsch im gsicht erotischer als wimperndusch... :l:

a frische ruam

Lecker !!! aber leider ois ned so afoch in da stodt, wohn zwar eh am raund owa trotzdem...

Wein...

an Alk brauch i eh fast nie und wenn an Caipirinha , der kost ned sooo vü

aufe in die sunn

Biker san mir, Biker bleim mir !!!

(thx. 2 R. Fendrich )

...regt des an!

is ja auch interessant wannst dir überlegst, daß jeden tag hackln gehst; damitst immer mehr verdienst um dir in der wenigen zeit ( freizeit) die dir bleibt krampfhaft irgendwas zu kaufen um ein lust oder freudegefühl zu erlangen. dasd mitn auto von der hackn hamrahst nur um schnö aufs radl zum kumman; anstatt das man glei mitn radl zur arbeit foart-

-

oder einfach weniger arbeitet, weniger verdiehnt, dadurch aber die schöne zeit am berg verbringen kann um sich einfach an der natur zu erfreuen anstelle des ganze geld in die wirtschaft zu buttern.

interessant auch das man sich 5x am tag vom chef niedermachn lasst und dann nach der arbeit mitn radl foart um abschalten zu können und net die ganze nacht wach zu liegen.

keep riding

lg

jürgen

Da SOULMAN ghert nur mehr gross gschriebn, der hot jo sowos von Recht, spricht ma so aus meina Söl....

I fia mein Teu vasuch seit laungem, meinen zwa Buam( da Race Driver und da Biker 753) und mia an Obstaund zu da Schicki- Micki- Hektik-Wöhd zu gebn.....

Mia sitzn jedn Tog am Radl, foahn zu unsrer Bodehittn praktisch nia mit da Blechkraxn, mitn Radl is vühl schener. De Buam kennan si aus im Glanda, kennan di ganzn Viecher, des in da Donauau gibt....

I loss ma kane Iberstundn auszohln(600 Stundn momentan-des warn a boa schene neiche Radln,olladings hätt da Finanzminister no schenere um meine Steiern kriagt- mit mia net), i woa letzte Wochn komplett im Zeitausgleich- a Traum............

Des Lebn kann scheee sei, waun ma nua wühl.........

Griass Eich, da Potschnflicker (sch...., muass heit in Nochtdienst geh)

I ko ned song "recht hoda da SOULMAN" woia hoda nua gfrogt!

Aba dofia hoda's richtig' gfrogt!

Und da POTSCHNFLICKER mocht mit die ibstund genau wie i - recht hoda!

Ia g'foit's ma! mochts weida so!

lg ingo // heit via Urlaubsstund vadiant ;-)