Wöche Griff?

Jo, meine tuns nimma lang.

i warad scho no einige Zeit damit unterwegs gwesen nur wenn die bei jeder Ausfoahrt ana onred und sogt "du, dei Griff is hin" nachher sollt mas amoi tauschen.

So a Griff is jo a heikle Sach, wenn der ned passt nachher konnst glei des Foarverhaltn vom ganze Radl verpfuschen.

oiso höfts ma bitte!

Welche täts ihr empfehlen soll i ma montieren?

warst Du mit den jetzigen zufrieden?

wenn ja gibt es vielleicht ähnliche (möglichst keine Schaumgummigriffe). Ich würd mir da kein teures Glump aufschwatzen lassen.

Wenn Du oft Probleme mit eingeschlafenen Händen o dgl. hast, probier einmal die Biogrip (normal oder race). Die sind aber teurere als sonst übliche.

oisa jezn sei ehrlich!

fia wos brauchst du griff?

erschtns foahrst du eh wia da bauer gurke mid seina scheibtruchen.

zweitens bei den agressiven haundschweiss vo dir z'frissts da so und so a jedn griff.

drittns hüft da do eh nua mehr a titanlenka, wäu der is gegn leit wia du unempfindlich. eigantlich miassat ma jo sogn immun, owa ob titan gegn di immun is...do hoid i mi liawa bedeckt.

kaunst di nimma erinnan wiast di noch ana ausfohrt kommod gegn in voda sei blechanes garaschtor glahnt host? a weng ins zischen hods augfaungt und daun bist auf amoi durchs tor ind garasch einegfoin und host no dazua midn höm in voda sein puch500 umgstessn! durchgfressn hods is blech! afoch durchgfressn.

i hob mi jo goar ned traut di aufzahn, wäu wos was i wos ma do passiern kennt. am end foit ma no s fleisch vo die knochen! oda wern ma die plomben rostig.

i man, wannst trotzdem unbedingt neiche griff hom wüst, schauda amoi die "lock-on" vo odi au. die kaunst mit zwaa ring auffeschraufm. de gibz in mehrare oarten. san ned die leichtastn und aa ned die büllichstn owa greifm tan sa si guat.

obs säurefest san waas i ollerdings ned. es wir si zagn wannst beim auslossn wieder fäden ziagst wia da spiderman zu seiner besten zeit! :D

foit ma nur grod ei, wäu da bernd67 gmant hod dassd evantöö probleme mid eigschlofene händ hom kenntast.

@ bernd67!

er hod eher a problem mid an eigschlofenen gsicht, owa gegn des höfm aa die bestn griff nix!

ma miassat eahm so zirka olle viertlstund a poar leichte links und rechts owahaun. zu weng da bessaren durchblutung natürlich, owa des kau ma jo ned mochn während da fohrt. am end daschrickt er uns no und er teilt oh in die stauden. daun brauch ma erscht in jaga mit sein hund zum nochsuachen.

und auf de suderei nochher bin i owa wirkli ned haas!

als alternative zu biogrip gibts von specialized die body-geometrie-griffe.

wenns dir aufs gewicht ankommt, fahr einfach ohne griffe, auf den hörnchen hast ja auch keine drauf.

Original geschrieben von Komote

wenns dir aufs gewicht ankommt, fahr einfach ohne griffe, auf den hörnchen hast ja auch keine drauf.

geht jo ned, hob kane Hörndln!

und ohne Griff rutschen ma imma de Plastiksackln vom Lenka owe!

@soulman

eingschlofenes Gsicht nur deswegen, weil i auf der Hittn nix zum Habern kriagt hob!

owa des mit der Scheibtruchn is ka schlechte Idee heast - die san do eh für hächere Belastungen ausglegt, die miassatn jo do hoidn.

des mit da Garage woarn ned de Grobler des woar mei Fuas!