neulich beim granitbeisser, rechts vorne

[soulman]

also neulich fahr ich den granitbeisser so vor mich hin und denk ma scho ganze zeit...heast do is owa nix los!

na es dauert ned lang kumm i zu aner markierung....gottseidank denk i ma und les....

[soulman]

guat, sog i ma kirkenes is ma z'weit, berlin hod wos, do kau i wenigstens nochn weg noch bärnkopf frogen.

lustig gehts dahi, auffe durchn woid, wieder owe in gatsch und scho sich i s nechste schüdl, dass do boid wos kummt...

[soulman]

aaah so, a streckenposten! "griass eich burschen", ruaf i no in vurbeifoahrn, "bin i eh ned da letzte?"

irgendwos homs gsogt, vastaundn hob i 's owa ned miassn deitsche gwesn sein. wäu griasst homs aa ned nur komisch gschaut.....

ah wos, deng i ma, ärger di ned und foahr weida.

 

na und goar ned laung dauert hods kumm i scho zum nechstn posten. wias ausschaut homs mi eh scho gsuacht...

[TomCool]

lol, na da bin i jetzt owa gspannt wie des weitergeht.

Bist leicht goa net ins Ziel kommen, dasst uns do so a gschichtl einedrucken muasst? :D

[soulman]

"dere, männer!" griass i scho vo da weidn und wachl, dass mi aa wirkli sehn. na wia i zuwekumm, her i wias aufgregt durchanaund redn...

wiaso s grod do in bärnkopf sovü deitsche ois posten hom? muass i glei im züü in lackner-bertl frogn!

ana kummt daun zuwa mid an gwehr und hoit ma a födfloschn hi.

"supa! bist a bursch" sog i "owa s gwehr kaunst ruhig wegtuan, wäu reh hob i ka anzichs gsehn.

drauf sogt a "quatsch nich, mensch und sieh zu dasste abhaust von hier. hier wirds gleich heiss zugehn!"

aah so, deng i ma , der mant woahrscheinli, dass die vo da laungan scho dicht hinta mir san.

i pock mi wieda zaumm und moch weida.

"pfiat di, im zöt sehn ma si eh no, gö!" ruaf i no zruck und hau in die pedal.

na und auf amoi bin i scho im züü aa. guat is gaunga , nix is gschehn.

nur da lackner-bertl mocht ma surgen. tau hod a wia wann er nix hern tät, wia i eahm gfrogt hob wieso sovüü deitsche ois streckenposten worn.

wird er do ned oid wern, der bertl?

[Bernd67]

er hat sich wahrscheinlich verfranst und hat noch ca. 200km am TÜPL Allentsteig zurückgelegt.......

 

so so..... http://www.plauder-smilies.de/rough/tank.gif

 

Nachsatz: des darf i alle 2 Jahr dort machen, Dauer nicht 4 oder 5h oder so sondern gleich 5 Tage....... sozusagen ein 1-wöchiger "Granitbeißer"

[Gatschbiker]

Bist a bisserl in Sauerstoffnot geraten beim GB 2002?

 

much gatsch

Paul

[LXB]

net so vü rauchn - zwenig und zfü is in Narren sei Zü!

[soulman]

na geh, hearts! i waas ned wos es hobts!

bärnkopf-berlin-bärnkopf in 5:31:xx und ned amoi letzta wurn, is eh ned so schlecht!

und wos hasst do sauerstoffnot oder rauchen?

natirli hob i gschnauft wia a oide verschublok owa zum banklsitzn und viginier-rauken wor kaa zeit.http://www.plaudersmilies.de/person/bandit.gif

am end hätt i ma no ane midn zinthauer-ritschi teiln miassn, wäu der wor ma eh gaunze zeit auf die fersen! :D

[ghost rider]

Original geschrieben von Bernd67

sozusagen ein 1-wöchiger "Granitbeißer"

 

dozua soit ma in soulman einlodn, do brauchat er sie ned imma so hetzn..