Ich weiss nicht.... m.M. nach geht nix über a gscheide AHK.
In Verbindung mit an gscheidn Radlträger lebt sa si so doch relativ einfach.
Thule Epos auf die AHK, Dauer 30 sek.
2 Stromradl aufn Epos, Dauer 1 Min.
Kosten: Epos ca €900, AHK hat ma eh und wenn ned ca. €600 unter Freunden.
Ja und jetz bitte ned sudern weil der Träger fast an Tausender kost, gell?
Da hams alle Radl in an Gesamtwert von über €25k und mit unnedichn Zubehör eh glei um €30k daham stehn
und dann raunzn die Bausparer wegen an Kilo fürn Träger...geh schleich di, heast!
Na ehrlich jetzt, bevor i ma des Stanglwerk mit Lift für des der Piefke auch €700 verlangt, aufs Dachl schraub...
an Luftwiderstand wie a Viermaster, vor jeder Garasch oder Durchfahrt kannst alles wieder abräumen und am Ende des tages an Benzinverbrauch wie a Leopard 2.
Dann, wo tust des Gstell dann hin? Zammlegen kannst des nur mit der Flex, stattdessen stierlst mit die dreckigen Stangl in Kofferraum, zreisst dir in Schisack oder scherst dir s Leder ab.
Die mittlerweile nur mehr Zugemutete danem is hysterisch weilst ih die Garderob im Kofferraum anschmierst und
dann kummt no a Passant der waas wies gangen wär wenn mas richtig hätt.... Oida, der beidlt am Watschenbam!
Des brauch i wie an eingrissenen Zechnnagl, da hau i des Gstöö die nächste Leitn owe....na echt jetz!